Biodata

angela1

Kumang Sarawak ti deka dibantaika kami sekali tu iya nya penanyi bajik kitai Iban ke benama Angela anak Martin.Penanyi bajik ti ada kena 17 Februari 1977 tu kala bulih gelar Ratu Kebaya Kpg. Abok, Sri Aman (1993), pemenang pekit Juara Lagu Kota Samarahan (1993), Kumang Gawai Sitak Sri Aman (1995), Kumang Gawai Menua Sarawak (1995), Ratu Kebaya Menua Sarawak (1996), dipilih nyadi Model (Poster Girl) Guinness Stout (1996) enggau bulih gelar Miss Photogenic Menua Sarawak (1998).

Nama ke bendar  Angela anak Martin. Angela sebilik enggau orang ti rapat enggau aku suah ngangauka ya Angie, Angel tauka La aja. Angela diri menyadi bisi empat iku. Angela anak ti ketiga. Umur Angela ke taun tu masuk 31 taun. Asal menua apai ya ari Sg. Pinang, Simunjan lalu indai ya ari Kampung Abok Mawang, Sri Aman. Ke diatu aku diau nyengulai apai indai aku ba rumah kami empu di Taman Malihah, Matang, Kuching. Laban ke udah ngentapka diri ba Kuching, kami sebilik jarang pulai ke menua. Diatu aku gawa ba siti hotel ti tebilang ba pasar Kuching. Ari primari satu ngagai primari enam, Angela besekula di St. Catholic English. Pom satu ya belajar ba SMK St.Teresa. Ari pom dua ngagai pom empat, Angela besekula ba SMK Serian lalu pom lima ya besekula ba SMK Green Road. Udah ambis pom lima Angela lalu nampung pelajar ba Cadas Business School sepengelama dua taun ngambi kus Diploma Computer.

Aku belabuh belagu kenyau ari umur aku lapan taun. Aku enda kala enggau orang belajar vokal, endang pemanah nyawa diri empu. Sebedau nyadi pemerindang, aku suah enggau masuk pekit kenyau ari mit. Maya ke bepekit nya, aku enda kala lebu laban suah bulih nombor satu tauka nombor dua. Ngajat. Landik endar enda ga tang enda rari enti kena batak orang ngajat. Ba pengawa indu baka nusuk leka marik dikena ngaga selampai enggau entangu (marik empang) enda ga aku bengat ngining jamah orang. Nebah perengka musik aku endang enda nemu. Nya alai, aku bisi ati deka belajar ke jemah ila.

Aku terubah ngerikod lagu enggau kompeni VPE dalam taun 1992 sepengudah aku menang ba pekit alai milih penanyi Iban baru. Ke diatu aku bisi kontrak enggau LUH Productions. Maya nya suba chukup pengaga mih asai ati udah ke mujur begelar artis. Sambut peninga mayuh pan chukup manah. Nyadi album keterubah aku enggau LUH Productions ti dikeluarka dalam taun 1996 suba nya begela Nyabak Dalam Ati, ngambi nama siti lagu sinu ti berentak sentimental ke digaga David Till. Nyau deka semua lagu aku dalam album nya suba dikerinduka bala peminat aku.Orang ti bisi udah ngaga leka lagu/lirik ke aku baka sida Ivy, Francis Linggi, David Till, Urai, Sijah enggau Corina Salang. Idea nengkebang leka lagu/lirik tu suah agi datai maya aku duduk kediri ba endur ti sunyi.

Chukup mayuh laban aku suah enggau bepekit belagu, bepekit Kumang enggau mayuh pekit ke bukai. Ninting pekit aku suah bulih nombor satu. Maya ke menang, asaika aku aja mih ti ngempu dunya laban ti chukup pengaga dalam ati. Aku udah kala bulih gelar Ratu Kebaya Kpg. Abok, Sri Aman (1993), pemenang pekit Juara Lagu Kota Samarahan (1993), Kumang Gawai Sitak Sri Aman (1995), Kumang Gawai Menua Sarawak (1995), Ratu Kebaya Menua Sarawak (1996), dipilih nyadi Model (Poster Girl) Guinness Stout (1996) enggau bulih gelar Miss Photogenic Menua Sarawak (1998). Nya mih antara pengingat manis ti seruran dikingatka aku sepemanjai umur.

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s


%d bloggers like this: