Jaku Pengelalu Ari PIP

Blog Artis Iban

Nyau baka ke leluba ga bala kami ari PIP mai mua malu di lempedu tungkul kawa. Tak nyau enda nemu malu ga kami ari PIP mantaika sebana bala artis kitai bansa. Tang ka randa kami enda pia laban kami endang seruran ka betulung besukung enggau bansa kitai. Amat kami nadai minta lalu nadai nanya ngagai bala sida artis bansa kitai. Nya mih laban kemi endang seruran enggau senaka ulih ka nulung mandung artis bansa kitai nyungkak ke industri musik bansa kitai.

Nya alai nengah tatai ruaikitai.com tu kami ari Pegari Iban Production enggau senaka ulih mantai nyerungkai, nyungkit lalu nyanggit ke berita bala artis kitai Iban enggau begaga ke blog ke sida ngambika bala peninga/peminat ulih nemu sekeda cherita enggau penerang bala artis bansa kitai Iban.

Kami ken gaga blog ke bala penanyi bansa kitai Iban tu endang nadai bebayar, reti nya pechuma. Sepiak sen pan kami nadai minta bayar/pampas ari bala penanyi bansa kitai.

Tuju kami sebuat endang ka magi penerang bala artis bansa kitai enggau bala mayuh ngambika bala mayuh/peminat ulih nemu enggau semak agi senentang artis bansa kitai. Pia mega kami ka nulung bala artis bansa kitai ngerembaika penerang/berita pasal sida mega. Kami mega enggau senaka ulih nulung nyukung bala artis bansa kitai enggau nadai belampung ati. Nadai beniat dalam ati kami sebuat ka ngeruntuh ka ngelabuh ke bala/siku-siku artis kitai Iban. Ari ti meratika blog-blog penanyi bansa bukai ke lama udah nyingkang ke mua ari penanyi bansa kitai, dia kami sebuat lalu tebuka runding ngagaka blog ke penanyi bansa kitai mega.

Amat mih kami nemu penerang enggau cherita artis kitai Iban ke di bantai ke kami sebuat ditu endang bisi enda tentu nyentuk tang pama mih ari ti nadai. Sekurang-kurang iya bala peminat bisi nemu berita/penerang bala artis kitai Iban.

Enggau nya kami sebuat semampai arap ke artis bansa kitai seruran mujur dalam semua pengawa lalu majak nyungkak dalam industri musik kitai Iban.

Kami sebuat semampai nyukung kita enggau enda belampung ati.

Nya aja ari kami sebuat,

Terima kasih,

PIP.

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s


%d bloggers like this: